Udara ia amaitzen ari da, baina Piztu.info pizten jarraitu dugu udara honetan zehar. Bideogintzan aurrera jarraitu dugu eta gure youtubeko kanala bideoz betetzen ari gara, hemen gure lana:
http://www.youtube.com/user/piztudonostia
Bestalde gure web gunean lanean dihardugu eta laister argitara eramango dugu:
http://piztu.info/
Atzokoa egun berezia izan zen Piztuko egitasmoa aurrera eraman nahian gabiltzanontzat. Greba egunean Donostian gertatzen zenaz jarraipen berezia egiteko hainbat lagun elkartu ginen eta oso pozik gaude egindako lanarekin. Talde lanean, harremanetan… sakontzeko oso ondo etorri zitzaigun ere. Indarberriturik, aurrera goaz beraz, Piztu proiektuarekin. Lan handia dugu egiteke… baina gogoa sobera dugu!
Atzo egin genituen bideoak erreprodukzio zerrenda honetan bildu ditugu:
Eta argazkiak HEMEN
Gehiago izan nahi dugu ordea eta zuretzako lekutxo bat gordea dugu hemen: grabatzen, idazten, editatzen, ideiak proposatzen, itzulpenak egiten, sare sozialetan edukiak zabaltzen, informatika zereginetan, diseinu grafikoan, aurkezle gisa, informazio biltzen, harremanak egiten, albisteak osatzen, iritziak idazten, edukiak biltzen…
HAMAIKA MODU DAUDE PIZTUN PARTE HARTZEKO, ZATOZ!
(asteazkenero 19:00an asanblada)
piztu.info@gmail.com
“Krisiaren argi-itzalak” izenarekin elkarrizketa sorta osatzen ari gara. Pertsona ezberdinekin elkartu gara, egoera nola bizi duten azal dezaten. Honakoa da osatu dugun lehen bideoa. Ea zer iruditzen zaizuen (idatzi zuen iritzi eta ekarpenak).
Hau izan da parte hartu duen jendeak gehien bozkatu duen irudia. Mila mila esker proposamenak egin dituzuen lagun guztiei; beste behin ere, parte hartzea sustatuz hurrun heldu gaitezkela frogatu duzue. Eta zorionak Gotzon, zure bilobei esan ahal izango baitiezu Pizturen logoa zuk egin zenuela. Mila esker denei! Denon ekarpenaz, aurrera goaz.
Duela aste batzuk egin genuen Piztu komunikazio proiektuko logoa osatzeko deialdi irekia, eta beste behin ere, parte hartzeak eman ditu bere fruituak. Zorionak, beraz.
Zazpi hauek jaso ditugu. Orain, bakarra hautatzeko unea heldu zaigu. Zein da zure gustukoena?
| 1. MAIALEN | 2. URKO |
 |
 |
| 3. GOTZON | 4. ARITZA |
 |
 |
| 5. WWW.MUNAGORRI.ES | 6. WWW.MUNAGORRI.ES |
 |
 |
| 7. UNAI | 8. GOTZON (2) |
 |
|
| 9. JOSEBA | 10. LOINAZ |
 |
 |
| 11. LOINAZ-2 | 12. LOINAZ-3 |
 |
 |
Arazoa izaten ari gara asanbladak burutzeko lekuarekin… Gaur abisatu digute ezingo dugula San Jeronimo kaleko aretoa erabili eta Amarako aisialdi taldeko lokalean topatu dugu alternatiba gaurkorako.
Kokalekuaren mapa osatu dugu, nola heldu jakin dezazuen. Dena den, Easo Plazako kioskoan geratuko gara 18:55ean, bertatik lokalera abiatzeko.
Eta ez ahaztu komunikabide herritarreko parte izan nahi dugun guztiok dugula gure lekua Piztu Asanbladan!
Gero arte!
Joan den ostegunean burutu genuen gure bigarren asanblada eta bertan hitz egindakoak idatzi honetan jaso ditugu. Irakurri eta egin zuen ekarpenak!
Eta gogoan izan, batzarretarako deialdiak irekiak direla eta guztiontzako lekua dagoela hemen.
IRAKURRI AKTA HEMEN
Piztu.info egitasmoaren oinarri nagusia auzolana izango dela argi dugu honezkero. Aipatu genuen, gure proiektuaren premisa nagusia, askoren lan txikiaz gauza handiak egitea zela . Horretarako, proiektuan era batean edo bestean parte hartuko dugun herritar sare zabala josi behar dugu.
Bada, ostegun honetan urrats berria egin nahi dugu bide honetan. Piztun laguntzeko prest gauden kide guztiak lehen aldiz elkartzeko batzarra antolatu dugu. Deialdia: OSTEGUNA 14, 18:30ean LIBURUTEGI NAGUSIKO SOTOAN (San Geronimo kalean, Konsti atzean. IKUSI MAPA)
Bertan, piztu.info proiektuaren inguruan hitz egingo dugu, baina batez ere, lan ezberdinak jende askoren artean banatzeko funtzionamendua zehazten saiatuko gara. Bideoen eta albisteen atalean zentratuko gara (blogarien lanak beste modu batera banatuko ditugu). Beraz, bideoak edota albisteak eginez, era batera edo bestera, zerbait lagundu dezakezula uste baduzu (alegia, edozein modutan laguntzeko gogoa baduzu) ez egin zalantzarik: zatoz!
Itsasargia 
